Ніл Дайманд вырашыў вярнуць грошы за канцэрт

Амерыканскі спявак Ніл Дайманд папрасіў прабачэння ў сваіх прыхільнікаў за няўдалы канцэрт у Каламбусе (штат Агаё) і прапанаваў гледачам атрымаць назад грошы за квіткі, паведамляе Rolling Stone. Падчас выступу, які адбыўся 25 жніўня, у 67-летняга музыкі з'явіліся праблемы з голасам, а адразу пасля канцэрту медыкі дыягнаставалі ў яго востры ларынгіт (запаленне гартані). У сувязі з гэтым спявак адмяніў два сваіх бліжэйшых канцэрты ў Вісконсіне і Місуры, а таксама палічыў патрэбным прапанаваць кампенсаванне за выступ у Каламбусе.

Прыхільнікі, якіх прысутнічала на канцэрце 11 тысяч чалавек, могуць атрымаць свае грошы назад да 5 верасня.

Нагадаем, што зараз Ніл Дайманд знаходзіцца ў туры са сваім апошнім альбомам "Home Before Dark", які ўпершыню за 42-гадовую кар'еру спевака здолеў падняцца на першае месца хіт-параду ЗША і Вялікабрытаніі.

Агулам Ніл Дайманд прадаў больш за 125 мільёнаў сваіх дыскаў.

Фота: slowlygrowingoldtogether.blogspot.com