Пад швейцарскімі Альпамі праклалі самы доўгі ў свеце тунэль

Завершаная пракладка самага доўгага ў свеце тунэлю — пад швейцарскімі Альпамі. У будучым па ім будуць праходзіць высокахуткасныя цягнікі, якія звяжуць поўнач і поўдзень Еўропы. Як паведамляе BBC, падземны тунэль, працягласцю 57 кіламетраў, прабівалі ў гарах 14 гадоў. Яшчэ 7 гадоў патрэбныя для таго, каб правесці будаўніча-адзелачныя працы.

Дарэчы, у праект было ўкладзена каля 10 мільярдаў долараў.