Пад Смалявічамі цягнік сутыкнуўся з аўтамабілем "Додж"

На чыгуначным участку паміж Смалявічамі і Чырвоным Сцягам цягнік N78 Гродна-Масква ўначы сутыкнуўся з аўтамабілем "Додж Караван". У выніку загінуў кіроўца аўтамабіля. У транспартнай міліцыі адзначаюць, што гэты перагон быў ахоўным - абсталяваным і светлавой, і гукавой сігналізацыяй. З-за аварыі цягніку давялося затрымацца на 2 гадзіны 30 хвілін.

Гэта не адзінае ДТЗ на чыгуначных пераездах за мінулыя суткі, паведамляе "Інтэрфакс". На станцыі Міханавічы ў выніку сутыкнення легкавога аўтамабіля "Сітраен" і электрацягніка Асіповічы-Мінск кіроўца атрымаў удары мяккіх тканак галавы цемянной вобласці.