Падпольнымі бардэлямі у Іспаніі кіравала беларуска
Паліцыя Іспаніі выкрыла міжнародную сетку падпольных бардэляў, у якіх утрымліваліся сэкс-рабыні з краінаў Усходняй Еўропы.
Пра гэта адзначаецца ў камюніке, распаўсюджаным 18 лютага прэс-службай МУС Іспаніі.
Іспанская паліцыя раскрыла сетку падпольных публічных дамоў у Каталоніі, Мадрыдскай аўтаноміі і Краіне баскаў. Па выніках аперацыі былі затрыманыя 15 чалавек, у іх ліку — кіраўнік злачыннай групы, якая з'яўляецца ўраджэнкай Беларусі.
Як паведамляецца, дапамагла выкрыць злачынцаў беларуская дзяўчына, якой удалося збегчы з бардэля.
