Пасля першага тайма БАТЭ прайграе "Белшыне", а "Шахцёр" не забіў "Нёману"

У суботу праходзяць матчы 32-га тура чэмпіянату краіны ў вышэйшай лізе. Усе яны пачаліся адначасова а 14-й гадзіне.  Барысаўчане гуляюць у Бабруйску з мясцовай "Белшынай". Для таго, каб стаць недасягальным для салігорскага "Шахцёра" і датэрмінова "аформіць" чэмпіёнства БАТЭ дастаткова згуляць унічыю.

Нагадаем, за два туры да фінішу чэмпіянату ў БАТЭ 69 ачкоў, у "Шахцёра" — 63.

Аднак пасля першага тайма БАТЭ прайграе "Белшыне" з лікам 0:1, а ў матчы "Шахцёра" і гродзенскага "Нёмана" пакуль нічыя 0:0.