Пажар на АЗС у Магілёўскім раёне (фота)
На стаянцы загарэўся грузавы аўтамабіль.
Здарэнне адбылося ўдзень 15 студзеня каля вёскі Палынкавічы-1. МАЗ 2010 года выпуску знаходзіўся на стаянцы на тэрыторыі аўтазаправачнай станцыі, у 50 метрах ад раздатачных калонак.
Як інфармуе прэс-служба МНС, узгаранне адбылося ў пярэдняй частцы кабіны грузавіка. За некалькі хвілін агонь патушылі. Кіроўца, ратуючыся з палаючай кабіны, атрымаў апёкі твару і правай рукі, яго шпіталізавалі.
Мяркуецца, што прычынай пажару стала выкарыстанне партатыўнай газавай пліткі ў кабіне аўтамабіля.
Пажар на АЗС пад Пружанамі (фота)
Фота — mchs.gov.by
