Пераход Вячаслава Глеба ў галандскую "Роду" нечакана сарваўся

Пераход беларускага футбаліста Вячаслава Глеба ў галандскую "Роду" нечакана сарваўся. Сітуацыя кардынальна змянілася пасля прыходу на мінулым тыдні на пасаду спартовага дырэктара галандскага клуба новага спецыяліста Марціна ван Геела, які дагэтуль працаваў у "Аяксе".
Ён прапанаваў літоўскаму "Каўнасу", якому належыць беларускі футбаліст, каб той прыбыў у "Роду" яшчэ на адзін тыднёвы прагляд. Аднак літоўцы адмовілі. Такім чынам, Глеб-малодшы працягне выступаць за мінскі МТЗ-РІПА на правах арэнды.

"Прэсбол"