Рабочы лясгаса ратаваў дзяржмаёмасць і атрымаў апёкі (фота)
Здарэнне адбылося каля 17-й гадзіны ў панядзелак, 5 траўня.
У лесе ў 5 кіламетрах ад вёскі Першамайск Рэчыцкага раёна загарэўся 32-гадовы аўтамабіль ЗІЛ-131, які належыць мясцоваму лясгасу. Узгаранне спрабаваў ліквідаваць 58-гадовы вальшчык лесу і атрымаў апёкі 2-3 ступеняў 10% цела. Мужчыну шпіталізавалі ў Рэчыцкую цэнтральную раённую бальніцу.
Як паведамляе прэс-служба МНС, аўтамабіль згарэў і аднаўленню не падлягае. Мяркуецца, што ўзгаранне пачалося з-за кароткага замыкання электраправодкі.
Фота — mchs.gov.by
