Рассельгаснагляд знайшоў 77 тон заражанай беларускай бульбы
Яна была выяўленая падчас праверак, праведзеных ведамствам у Маскве, Маскоўскай і Тульскай абласцях Расіі.
Паводле звестак Рассельгаснагляду, якія перадае БелаПАН, у чатырох партыях харчовай бульбы з Беларусі выяўлены карантынны шкодны арганізм — залацістая бульбяная нематода (Globodera rostochiensis).
Расійскае ведамства адзначае, што заражаная прадукцыя суправаджалася фітасанітарнымі сертыфікатамі, выдадзенымі Галоўнай дзяржаўнай інспекцыяй па насенняводстве, карантыне і абароне раслін Беларусі. Гэтыя дакументы гарантавалі адпаведнасць прадукцыі карантынным фітасанітарным патрабаванням Расіі.
Таму Рассельгаснагляд звярнуўся да беларускіх калег з просьбай правесці бліжэйшым часам кансультацыі для вырашэння праблем з беларускімі прадуктамі.
Фота — mealblog.ru
