Ад бюджэтнага фінансавання — да ўнутраных рэзерваў
Беларусь ўкараняе новыя механізмы фінансавання бюджэтных выдаткаў.
Аб гэтым заявіў сёння начальнік галоўнага ўпраўлення бюджэтнай палітыкі Міністэрства фінансаў Беларусі Максім Ермаловіч на выязным семінары дэпутатаў Ашмянскага раённага Савета дэпутатаў, старшыняў сельскіх Саветаў у ПП НС Беларусі, перадае БЕЛТА.
Па словах прадстаўніка Мінфіна, рэсурсы бюджэту абмежаваныя. "Таму развіццё кожнай бюджэтнай арганізацыі павінна ажыццяўляцца за кошт унутраных рэзерваў, аптымізацыі сваіх уласных выдаткаў. І рэзерваў па аптымізацыі гэтых выдаткаў досыць шмат" — сказаў Ермаловіч. Да прыкладу, Мінфін лічыць неабходным аптымізаваць колькасць занятых у бюджэтнай сферы.
