Ад выбухаў у Іраку загінулі не меней за 60 чалавек
Ахвярамі сталі пераважна шыіцкія паломнікі, дзясяткі чалавек атрымалі раненні.
Як перадае ВВС, у Багдадзе выбухі адбыліся ў месцах збору шыіцкіх паломнікаў. Яны збіраліся для ўдзелу ў мерапрыемствах, прысвечаных угодкам смерці сёмага імама Мусы Казіма, якога шыіты лічаць спадчыннікам прарока Мухамеда. Памінальныя мерапрыемствы працягнуцца ў Багдадзе ўвесь тыдзень.
У Хілі на поўдні Ірака каля аднаго з рэстаранаў горада падарваліся два начыненыя выбухоўкай аўтамабілі. Адзін з іх быў падарваны смяротнікам. Выбухі ў Хілі панеслі жыцці не меней за 15 чалавек.
Яшчэ два выбухі адбыліся на поўначы краіны ў Баладзе, які насяляюць пераважна шыіты.
Фота — REUTERS
