Андэрсу Брэйвіку афіцыйна выставілі абвінавачанне ў тэрарызме
Паліцыя Осла заявіла пра гэта на адмысловай прэс-канферэнцыі.
Брэйвік абвінавачваецца ў здзяйсненні тэракту, у забойстве 77 чалавек, "спробе парушыць галоўныя асновы функцыянавання грамадства" і спробе яго запалохаць.
Абвінавачанне было зачытана і самому Брэйвіку ў турэмнай камеры. Як паведамляе Reuters, ён успрыняў яго спакойна.
Судовы працэс над тэрарыстам мусіць пачацца ў красавіку. У выпадку, калі Андэрс Брэйвік будзе прызнаны псіхічна здаровым, яму пагражае максімальнае пакаранне — 21 год турэмнага зняволення. У адваротным выпадку яму прызначаць абавязковае лячэнне.
Фотакалаж — ukrtribune.org.ua
