Аршанскае дэпо згубіла імя Заслонава

Як піша сайт orsha.eu, шэсць гадоў таму ў дэпо праходзіла рэарганізацыя, перарабляліся ўстаноўчыя дакументы. З Мінскага аддзялення Беларускай чыгункі ў Оршу дакументы вярнуліся без імя Заслонава. Тады значэння гэтаму не надалі. І хоць па дакументах у прадпрыемства імя Заслонава няма, але на пячатцы яно працягвала заставацца.

Але ў банку звярнулі ўвагу на неадпаведнасць і загадалі прыбраць, інакш грошай на заробкі не дадуць. Дэпо прыбрала імя Заслонава з пячаткі, а назад вярнуць ужо не можа.

Мінскае аддзяленне чыгункі запатрабавала дакументальнае пацверджанне, што імя Заслонава было надавадзенае дэпо. Але менавіта гэтага дакумента няма ні ў архіве праўлення Беларускай чыгункі, ні ў Нацыянальным гістарычным архіве Беларусі, ні ў Нацыянальным архіве краіны.

Фота — photopark.com.ua