Батура: Новы стадыён у Барысаве можам адкрыць летам 2013-га
Плануецца, што сёлета, "пры добрым збегу абставінаў", скончаць асноўныя працы.
Ужо пракладзеныя інжынерныя сеткі, пачаўся мантаж трыбун, паведамляе БЕЛТА.
Нагадаем, хатняя арэна футбольнага клуба БАТЭ будуецца па праекце адной са славенскіх кампаній. Стадыён будзе знаходзіцца на ўездзе ў Барысаў, яго трыбуны змесцяць 13400 гледачоў.
Паводле слоў старшыні Мінаблвыканкама Барыса Батуры, агульны аб'ём інвестыцый ацэньваецца ў 200-220 млрд рублёў (24-26 млн долараў).
Адзначым, што восенню 2012-га становіцца на рэканструкцыю галоўная арэна краіны — мінскі стадыён "Дынама". Таму барысаўскі стадыён, які мусіць адпавядаць усім патрабаванням УЕФА, можа прыняць і матчы нацыянальнай зборнай Беларусі.
Фота — pressball.by
