Беларускае малако і мяса хутка прапусцяць ва Украіну?
Праблема з пастаўкамі беларускай мяса-малочнай прадукцыі ва Украіну будзе вырашаная да канца красавіка.
Пра гэта агенцтву БЕЛТА заявіў намеснік прэм'ер-міністра Беларусі Міхаіл Русы.
Нагадаем, што з 1 сакавіка Дзяржаўная ветфітаслужба Украіны прыпыніла ўвоз на тэрыторыю краіны мяса-малочнай прадукцыі беларускай вытворчасці. У малочнай прадукцыі ўкраінцы знайшлі сляды антыбіётыкаў. А пастаўкі мяса прыпынілі пасля звестак пра незразумелае масавае знішчэнне свіней у Навагрудскім раёне.
Каб пераканацца ў якасці і бяспецы малочнай і мясной прадукцыі з Беларусі, нашу краіну ў сакавіку наведалі ўкраінскія спецыялісты. Яны праінспектавалі шэраг малочных прадпрыемстваў Беларусі. На гэтым тыдні перамовы працягнуліся на тэрыторыі Украіны.
Фота — olenevka.info
