Беларуская вёска вінна ўжо больш за 13 млрд долараў
Урад распрацоўвае некалькі варыянтаў рэструктурызацыі гэтай запазычанасці. Хутчэй за ўсё, значную частку пазыкі давядзецца спісаць.
Сукупная фінансавая запазычанасць аграпрамысловага сектара складае 44 трлн беларускіх рублёў (больш за 13 млрд долараў), паведаміў віцэ-прэм'ер РБ Валерый Іваноў.
У сувязі з гэтым урад распрацоўвае варыянты рэструктурызацыі пазыкі, адзін з якіх будзе прадстаўлены для зацвярджэння Лукашэнку. Іваноў не стаў канкрэтызаваць, пра які механізм "фінансавага аздараўлення" ідзе гаворка.
Верагодна, ізноў спішуць частку пазыкі з наступным выдзяленнем чарговай порцыі дзяржпадтрымкі і субсідый, піша АФН.
