Часопісу "Arche" не дазволілі перарэгістравацца ў Беларусі

Нагадаем, восенню ў  "Arche" пачаліся праблемы, праводзілася праверка Дэпартаментам фінансавых расследаванняў, быў заблакаваны рахунак. Ужо былы галоўны рэдактар Валерый Булгакаў з'ехаў за мяжу.

У гэтай сітуацыі рэдакцыя паспрабавала перарэгістравацца. Заснавальнікам і выдаўцом выдання планавалася таварыства з абмежаванай адказнасцю "Гайсак". Аднак Міністэрства інфармацыі адмовіла з-за "неадпаведнасці заяўленага галоўнага рэдактара кваліфікацыйным патрабаванням". У Пашкевіча не аказалася пяцігадовага стажу працы "на кіраўнічых пасадах адпаведнага профілю".

"Мы вырашылі абнавіць рэдакцыю — у надзеі аднавіць нармальны выхад часопіса”, — цытуе словы Алеся Пашкевіча прэс-службе Беларускай асацыяцыі журналістаў. — Пакуль што нашы спадзевы не спраўдзіліся. Але ў любым выпадку мы на гэтым не спынімся. Мы не выключаем і варыянту выхаду часопіса за межамі Беларусі”.

Фота — gs.by