Экс-намеснік старшыні Віцебскага аблвыканкаму асуджаны на 7 гадоў
У чацвер у Мінскім гарадскім судзе быў абвешчаны прысуд Леаніду Кавалёву, былому чыноўніку і колішняму кіраўніку БРСМ.
Яго прызналі вінаватым у атрыманні хабару ў асабліва буйным памеры і пакаралі 7 гадамі пазбаўлення волі ў калоніі ўзмоцненага рэжыму з канфіскацыяй маёмасці. Тэрмін адбыцця пакарання Кавалёву адразу зменшылі на адзін год у сувязі з правядзеннем амністыі.
Яшчэ адзін фігурант крымінальнай справы — грамадзянін Эстоніі Гунар Каал — асуджаны на пяць гадоў калоніі ўзмоцненага рэжыму, але тэрмін таксама зменшылі на адзін год, паведамляе БелаПАН.
Фота Леаніда Кавалёва ў час кіраўніцтва БРСМ — bymedia.net
