Эксперт: Рэстаўратары абакралі беларусаў мінімум на 30 мільёнаў долараў
Менавіта столькі лішніх грошай патрацілі на аднаўленне Нясвіжскага замку.
Аб гэтым ІА REGNUM распавёў рэстаўратар Леў Мірончык. Па словах спецыяліста, рэстаўрацыяй гэта назваць нельга.
"Збольшага ўнутраныя працы — фрэскі, драўляныя дэталі інтэр'еру, падлогі з кафлянай пліткі, лесвіцы, каміны — гэта вульгарны новадзел, заліты тоўстым пластом фарбы або лаку. Напрыклад, падлогі рознавысокія, што кажа аб няўменні будаўнікоў зрабіць аднолькавай элементарную бетонную сцяжку ва ўсіх памяшканнях другога і трэцяга паверхаў. Паркет з дарагіх парод дрэва выкладзены самым брыдкім чынам і ўжо ходзіць пад нагамі. Баюся, што былыя ўладальнікі Несвіжу, магутныя Радзівілы, прыйшлі б у жах, убачыўшы ў самым прыгожым зале палаца столькі цыганшчыны, безгустоўшчыны і поўнай адсутнасці высакароднасці. Усё гэта нагадвае класічны варыянт замка "новага рускага" часоў перабудовы і малінавых пінжакоў", — заявіў Мірончык выданню.
Адзначым, што рамонт і рэстаўрацыя палацава-паркавага ансамбля ў Нясвіжы каштавала беларускай казне 55 мільёнаў долараў. Да 1939 года гэты палац належаў роду Радзівілаў.
