Ермакова: Сярэдні заробак па Нацбанку не дацягвае да 500 долараў
Старшыня Нацыянальнага банку атрымлівае 1000 долараў у месяц.
У сераду ў "Народнай газеце" прайшла прамая лінія з Надзеяй Ермаковай. Сярод іншага, яна распавяла і пра свой заробак.
"Чыстымі, пасля выплаты ўсіх падаткаў мой заробак складае прыкладна 1000 долараў у месяц", — цытуе яе словы onliner.by.
Паводле слоў Ермаковай, для павышэння сярэдняга заробку ў Нацбанку "праводзіцца планавае скарачэнне кадраў, іх аптымізацыя".
Нагадаем, міністр эканомікі Мікалай Снапкоў сёлета распавёў, што ён атрымлівае 750 долараў у месяц. А Аляксандр Лукашэнка заявіў, што атрымлівае заробак у памеры каля $2000.
Фота — bymedia.net
