Казахстанскі апазіцыянер знайшоў прытулак у Мінску?

Пра гэта паведамляе радыё "Азаттык" (рэгіянальная служба "Радыё Свабода").

Пра тое, што зніклы выдавец знойдзены, распавёў па тэлефоне ягоны брат, які цяпер таксама знаходзіцца ў Мінску. Паводле крыніцы, Даніяр Малдашоў жывы, вяртацца ў Казахстан бліжэйшым часам не збіраецца.

Пра знікненне Малдашова рэдакцыя газеты "Голас Рэспублікі" заявіла 30 сакавіка. Паведамлялася, што выдавец знік неўзабаве пасля вандроўкі ў Маскву і вяртання ў Казахстан. Па вяртанні на яго напалі невядомыя: моцна збілі і скралі нейкія дакументы. У рэдакцыі не выключылі, што Малдашоў быў выкрадзены. У паліцыі, аднак, версію наконт выкрадання не пацвердзілі.

Падчас расследавання паліцыя, якая гутарыла са сваякамі выдаўца, высветліла, што 30 сакавіка ён з'ехаў у Кіеў па асабістых справах, піша  ЛЕНТА.РУ.