Кожны пяты беларус штогод абнаўляе мабільны тэлефон
Пра гэта паведаміў дырэктар прадпрыемства "АйЦі-Макс" Аляксандр Трусь.
Паводле яго слоў, беларускі рынак мабільных тэлефонаў складае ад 1 млн 600 тысяч да 2 млн мабільных прыстасаванняў. За апошнія два гады агульная статыстыка продажаў "мабільнікаў" практычна не змянялася. Аднак назіраецца пераразмеркаванне попыту са звычайных тэлефонаў на смартфоны.
БЕЛТА адзначае, што сярэдні тэрмін выкарыстання мабільнага тэлефона ў нашай краіне вырас з 3 да 4 гадоў.
Фота — bymedia.net
