Магілёўскія даішнікі прыпынілі машыну без кіроўцы
На заднім сядзенні “Хонды” сядзелі тры нецвярозыя хлопцы. Месца кіроўцы было пустым.
Спярша даішнікі спрабавалі прыпыніць ліхача, які перавысіў хуткасць. Яны гналіся за “Хондай” з уключанымі мігалкамі. Калі ж даішнікі яе абагналі і пачалі прыпыняць, “Хонда”, не спыняючы хуткасці, спярша стукнула іх машыну, а потым урэзалася ў слуп.
Кіроўца спалохаўся наступстваў свайго ўчынку і пералез на заднюю сядушку, паведамляе сайт 222.by. Ніхто з пасажыраў “Хонды” не пацярпеў. З пасажырамі пашкоджанай машыны цяпер разбіраецца следства.
