Мэр Прагі перад Калядамі частаваў гараджанаў супам
Багуслаў Свобада такім чынам павіншаваў з надыходзячым святам жыхароў і гасцей чэшскай сталіцы.
Свобада прыйшоў на Старамесцкую плошчу да старой гарадской ратушы разам з сынам. Мэр Прагі растлумачыў, што бясплатны рыбны суп можа пакаштаваць любы ахвотны.
“Гэта невялікае свята для ўсіх, асабліва для тых, хто не можа сабе дазволіць такое”, — сказаў Свобада.
Кіраўнік горада частаваў рыбным супам не толькі бяздомных, але і шматлікіх турыстаў і гасцей Прагі, піша “Наша Ніва” са спасылкай на ceskenoviny.cz.
“Мне самому гэта страшэнна падабаецца. Гэта наша старачэшская традыцыя”, — растлумачыў мэр чэшскай сталіцы.
