Міністэрства аховы здароўя: эпідэміі грыпу зноў не было!
Захворванне на вострыя рэспіраторныя інфекцыі ў Беларусі пачало зніжацца. У школах, дзе быў аб'яўлены каранцін, аднавіўся навучальны працэс.
У міністэрстве аховы здароўя адзначаюць, што захворванне на ВРІ знізілася на 10% у параўнанні з папярэднім тыднем. Сярод хворых дзеці і падлеткі да 18 гадоў складаюць больш за 53%.
"Интерфакс-Запад" адзначае, што ў краіне прыпыняўся навучальны працэс у 14 установах адукацыі. У 13-ці з іх дзеці ўжо вучацца.
У Беларусі другі год запар няма эпідэміі грыпу. У Міністэрстве аховы здароўя дадзеную сітуацыю тлумачаць высокім адсоткам імунізацыі насельніцтва супраць грыпу. Так, у гэтым сезоне было прышчэплена больш за 35% насельніцтва нашай краіны.
Фота — bymedia.net
