МЗС Беларусі пастараецца вызваліць суайчыннікаў у Лівіі

Пра гэта Еўрарадыё паведаміў прэс-сакратар МЗС Андрэй Савіных. Па словах Савіных, МЗС настойвае на невінаватасці нашых суграмадзянаў. Ён адзначыў, што будуць скарыстаны наяўныя палітычныя і прававыя магчымасці для перагляду судовага рашэння.

У прыватнасці, міністр замежных справаў Сяргей Мартынаў звярнуўся па дапамогу да кіраўніка замежнапалітычнага ведамства Лівіі. Таксама, кажа Савіных, быларускія дыпламаты будуць дзейнічаць у кантакце з Расіяй і Украінай, чые грамадзяне атксама былі асуджаныя ў Лівіі.

Нагадаем, што трох беларусаў сёння ў Лівіі асудзілі на 10 гадоў турмы. Іх звінавацілі ў вайсковай дапамозе рэжыму Кадафі.

Фота — ovesti.ru