На пажары ў Слонімскім раёне загінулі трое дзяцей
Здарэнне адбылося ў вёсцы Вялікая Кракотка Слонімскага раёна.
Як адзначае БелаПАН, выратавальнікам стала вядома пра пажар зранку 22 траўня. У хаце жыла сям'я з пяці чалавек: бацькі і трое дзяцей — дзяўчынкі 7 і 5 гадоў, а таксама 3-гадовы хлопчык.
На момант пажару бацька дзяцей быў на працы, маці — у Слоніме. Пакуль прыехалі выратавальнікі, суседзі паспелі вынесці з хаты траіх дзяцей без прыкметаў жыцця. Выратаваць іх не ўдалося.
Меркаваная прычына пажару — свавольства дзяцей з агнём.
