Памёр журналіст і пісьменнік Анатоль Казловіч

Казловіч працаваў у "Сельской газете", у часопісе "Нёман", амаль чвэрць стагоддзя быў уласным карэспандэнтам маскоўскай "Литературной газеты" па Беларусі. Акрамя таго ён арганізаваў і рэдагаваў фермерскую газету "Новая зямля", праваабарончае выданне "Круг", працаваў першым намеснікам галоўнага рэдактара газеты "Народная воля".

Займаўся Казловіч і педагагічнай дзейнасцю, адзначае БелаПАН. Ён выкладаў журналісцкія дысцыпліны ў Інстытуце парламентарызму і прадпрымальніцтва (Мінск), Еўрапейскім гуманітарным універсітэце (Вільня).

Еўрарадыё выказвае спачуванні блізкім і сябрам Анатоля Казловіча.