Сапернікам БАТЭ ў Лізе чэмпіёнаў могуць стаць клубы Албаніі ці Венгрыі
Праўда, барысаўчанам яшчэ трэба перайграць па суме дзвюх гульняў македонскі "Вардар".
У пятніцу адбылося лёсаванне 3-га кваліфікацыйнага раўнда футбольнай Лігі чэмпіёнаў. Як паведамляе "Прессбол", у выпадку, калі БАТЭ праб'ецца на гэты этап (нагадаем, у першым матчы БАТЭ перамог "Вардар" — 3:2), ягонымі сапернікамі могуць стаць пераможцы пары "Скендэрбеў" (Албанія) — "Дебрэцэн" (Венгрыя). Іх першы матч скончыўся з лікам 1:0 на карысць албанцаў.
Матчы трэцяга кваліфікацыйнага раўнда прызначаныя на 31 ліпеня/1 жніўня і 7/8 жніўня.
Фота — bymedia.net
