Сіноптыкі: У выхадныя пачнецца пацяпленне, а з ім узмоцняцца паводкі
Канец сакавіка прынясе невялікі снег і галалёдзіцу.
Сёння ўдзень тэмпература паветра будзе вагацца ў межах 1-3 градусаў марозу. А ўжо на пачатку красавіка чакаецца ўпэўнены плюс, адзначае Першы тэлеканал.
Тым часам на Палессі пачаліся першыя паводкі, разлілася рака Гарынь. У Столінскім раёне ёсць і першыя пацярпелыя. МНС сцвярджае, што сітуацыя пад кантролем, усе службы ў рэжыме гатоўнасці. На Прыпяці ўзрываюць лёд, каб пазбегнуць пагаршэння сітуацыі.
Яшчэ адным новаўвядзеннем ад МНС стала СМС-рассылка. Беларусам у гэтыя дні адпраўляюць тэставыя паведамленні для праверкі новага спосабу апавяшчэння.
Фота — bymedia.net
