Смолава адсудзіла гонар і годнасць у "Камсамолкі"
11 красавіка суд Партызанскага раёна Мінска задаволіў позву Паліны Смолавай да ЗАТ "БелКП-ПРЕСС" наконт абароны гонару і годнасці.
Як паведаміла адвакат спявачкі Ганна Каранеўская, з ЗАТ "БелКП-ПРЕСС" спагнана 3 млн рублёў, а з аднаго з аўтараў "Камсамольскай праўды ў Беларусі" — 300 тыс. рублёў. Як патлумачыла адвакат, позва падавалася ўвосень 2009 года і тычылася артыкула "Карьера Полины Смоловой в Москве провалилась?", які быў апублікаваны ў газеце ў чэрвені таго ж года, перадае БЕЛТА.
