Старая таполя “накрыла” адразу 3 машыны ў Віцебску
Вецер зламаў дрэва падчас залевы ў двары шматпавярховай жылой хаты.
Гэта адбылося каля пяці гадзінаў увечары 19 чэрвеня, піша “Комсомольская правда в Белоруссии”. Парывы ветра дасягалі 15-20 метраў у секунду.
Механічныя пашкоджанні атрымалі адразу тры аўтамабілі. Супрацаўнікам МНС давялося распілаваць дрэва пры дапамозе аўтакрана. Пашкоджанымі апынуліся машыны “КІА-Сарэнта”, “Опель-Вектра” ды “Фольксваген-Пасат”.
Фота: 112.by.
