Сярэдні заробак у Мінскай вобласці дасягне 1000 долараў
Да 2015 года. Пра гэта заявіў начальнік камітэта эканомікі Мінаблвыканкаму Аляксандр Турчын.
"Да канца бягучага года неабходна скончыць працы па комплекснай мадэрнізацыі дзяржаўных прадпрыемстваў для выпуску канкурэнтназдольнай прадукцыі, арыентаванай найперш на імпартазамяшчэнне і экспарт, — цытуе словы чыноўніка БЕЛТА. — Дасягненне да 2015 года сярэдняй заработнай платы 1 тысячы долараў стане адным з паказчыкаў эфектыўнасці запланаванай мадэрнізацыі".
Адзначым, што ў верасні сярэдні заробак на Міншчыне складаў 4 мільёны 106 тысяч рублёў (амаль 500 долараў).
Фота — bymedia.net
