У Беластоку збіраюць ежу для беларускіх палякаў
Вучні гімназій распачалі ў гіпермаркетах Беластоку збор ежы для малазабяспечаных палякаў і польскіх сем'яў у Беларусі, Літве і Украіне.
Акцыя праходзіць у межах кампаніі "Падзяліся ежай". Аб гэтым паведамляе Kurier Poranny.
Збор прадуктаў адбываецца ў гіпермаркеце Кэрэфур (Carrefour) і ў Галерэі Падляскай. Сабраная ежа павінна трапіць у Беларусь да Калядаў.
У верасні, у межах кампаніі "Падзяліся ежай", дзеці сабралі больш за тысячу кілаграмаў прадуктаў.
