У Брэсце ДАІ правядзе акцыю "Аўтачысцюля"
Падчас яе будуць разыграныя бясплатныя мыйкі аўтамабіля.
Акцыя пройдзе на працягу тыдня, з 7 па 14 снежня. Як паведаміла агенцтву БелаПАН начальнік аддзялення па агітацыі і прапагандзе брэсцкай ДАІ Наталля Сахарчук, мэта акцыі -- нагадаць вадзіцелям аб неабходнасці трымаць аўтамабілі ў чысціні.
Супрацоўнікі ДАІ будуць прапаноўваць кіроўцам брудных аўто запоўніць анкету ўдзельніка розыгрышу бясплатных мыек. Усяго іх будзе разыграна дзесяць.
