У Брэсце размеркавалі выратаваных жывёл (фота)

З амаль 70 "беспрытульнікаў" дах над галавой атрымалі каля 20 жывёлаў. Але пра дакладную колькасць не могуць паведаміць і самі арганізатары: цягам усяго дня людзі самастойна прыносілі "знаходкі", якіх амаль адразу разбіралі.

Да выніковасці мерапрыемства намеснік кіраўніка арганізацыі Алена Оргіш ставіцца пазытыўна.

Алена Оргіш: "Вынікамі вельмі задаволеныя, бо шмат нашых гадаванцаў выехалі ў сталыя дамы. Мы спадзяемся, што ўсе патрапілі ў добрыя рукі, бо сюды прыходзяць людзі, якія насамрэч любяць жывёл і хочуць падарыць ім прытулак".

Пра неабыякавасць прысутных сведчыць выпадак, які здзівіў нават дасведчаных валанцёраў: сваіх гаспадароў у гэты дзень знайшла аднавокая котка.