У цэнтры Мінску закрылі нелегальнае казіно
Яно размяшчалася ў адным з грамадскіх аб'яднанняў. Гульня штодня вялася на шасці сталах.
Як інфармуе interfax.by, нелегальнае казіно выявілі супрацоўнікі Камітэта дзяржкантролю. Па іх словах, гульню ладзілі службовыя асобы гэтага грамадскага аб'яднання. Спецыяльнага дазволу на гульнявую дзейнасць у арганізатараў казіно не было.
Падчас праверкі супрацоўнікі фінансавай міліцыі КДК забралі выручку — больш за 22 мільёны рублёў і каля 1000 долараў.
Фота — mygazeta.com
