У Драгічыне ўсталявалі дошку ганьбы (Фота)
Як паведамляе сайт virtual.brest.by, такім чынам там змагаюцца з крадзяжамі ў крамах.
У адной з драгічынскіх крамаў вывесілі стэнд з фатаздымкамі дробных злодзеяў, якія спрабавалі без аплаты вынесці тавар. Пад партрэтамі зламыснікаў указана іх прозвішча, што яны ўчынілі і які штраф сплацілі. Праўда, выглядае гэта, як падвойнае пакаранне за адзін і той жа ўчынак, а гэта не зусім законна.
