У Гомелі паказваюць аўтограф Юрыя Гагарына
У музеі гісторыі Гомеля адкрылася выстава пад назвай "Світанак касмічнай эры".
Яна прысвячаецца 50-годдзю палёта Юрыя Гагарына ў космас і жыццю гамельчукоў перыяду 1950-60-х гадоў.
Наведнікі выставы могуць пабачыць сапраўдныя аўтографы Юрыя Гагарына і іншых савецкіх касманаўтаў, арыгіналы газет "Комсомольская правда" і "Вести", якія выйшлі ў першыя дні пасля палёту славутага касманаўта.
На выставе ёсць унікальныя фатаздымкі касманаўтаў, у тым ліку падчас іх візіту ў Гомель. Таксама можна ўбачыць памятныя значкі і паштоўкі, выпушчаныя ў гонар першага палёту чалавека ў космас, макеты ракетаносьбітаў і касмічнага карабля "Усход".
Фота: Еўрарадыё
