У Магілёве "вылаўлівалі" байкераў, каб іх папярэдзіць
Праваахоўнікі спадзяюцца, што яны будуць прытрымлівацца правілаў дарожнага руху.
Супрацоўнікі магілёўскай ДАІ пісьмова папярэдзілі каля 60 байкераў, каб тыя прытрымліваліся правілаў дарожнага руху. Байкераў "вылаўлівалі" ў іх уласных дамах і кватэрах.
Кожнаму з байкераў супрацоўнікі ДАІ ўручалі памяткі і ўлёткі, а таксама праводзілі з імі растлумачальныя лекцыі. Аб зробленых высновах байкерамі супрацоўнікі ДАІ плануюць дазнацца ў бліжэйшы час, адсочваючы іх паводзіны на дарогах горада.
