У Пінску на запалкавай фабрыцы атрымаў апёкі рабочы
20-гадовы хлопец выносіў з цэха бракаваную прадукцыю. Верагодна, у гэты момант самаадвольна ў яго руках загарэліся запалкі.
Рабочы атрымаў апёкі 1-3-й ступеняў твару і шыі (каля 3% паверхні цела). Яго шпіталізавалі ў траўматалагічнае аддзяленне Пінскай гарадской бальніцы, паведамляе БелаПАН.
Таксама ў аўторак, 26 лютага, у Пінску адбыўся пажар у шматкватэрным жылым доме, загінулі 48-гадовы мужчына і 36-гадовая жанчына.
