У Пінску высветлілі асобу зламысніка, які “мінаваў” будынак хуткай дапамогі
22-гадовы “жартаўнік” патэлефанаваў дзяжурнаму пінскай міліцыі і паведаміў аб выбуховым прыстасаванні ў будынку.
Як паведамляе сайт tomin.by, здарэнне адбылося ўвечары 19 траўня. Супрацоўнікі міліцыі эвакуявалі персанал станцыі (агулам былі эвакуяваныя 54 чалавекі). Для абслугоўвання лініі “103” у будынку засталося 5 чалавек.
Кіналагічная група Пінскага памежнага атраду не знайшла выбухоўкі. Высветлілася, што “гора-жартаўнік” раней ужо адзначыўся падобным учынкам, за які быў асуджаны. Цяпер яго шукаюць.
Фота — bymedia.net
