Салігорскія ўлады не дазволілі правядзенне адразу двух мітынгаў
Выканкам адмовіў дэмакратычным актывістам у дазволе на правядзенне мітынгаў у Салігорску, запланаваных на 11 і 12 чэрвеня.
Сваю адмову ўлады тлумачаць "адсутнасцю яснасці ў вызначэнні формы правядзення масавых мерапрыемстваў".
Прадстаўнікі мясцовага дэмакратычнага актыву заяўляюць, што мітынг адбудзецца ў любым выпадку. Аднак назваць дату верагоднага вывыду салігорцаў "на плошчу" мясцовыя апазіцыянеры пакуль не могуць.
Далейшая эканамічнай дэградацыя краіны, на думку заяўніка планаванага мітынгу Уладзіміра Шылы, можа ўжо ў бліжэйшы час сабраць на цэнтральных плошчах Беларусі масы абураных жыхароў, паведамляе праваабарончы цэнтр "Вясна".
