У Шчучыне пры пахаванні пераблыталі нябожчыц
У моргу Шчучына пераблыталі целы дзвюх пажылых жанчын. Прычым адну з іх паспелі пахаваць.
У другім выпадку сваякі заўважылі падмену падчас жалобнай цырымоніі, піша газета "Вечерний Гродно". Вінаватым называюць супрацоўніка моргу Юрыя, які размаўляў са сваякамі пацярпелых нападпітку. У абласным патолагаанатамічным бюро кажуць, што гэты работнік працаваў на падмене.
Справай займаецца абласная пракуратура і патолагаанатамічнае бюро. Працягваюцца праверкі.
Сваякі, дарэчы, дамагліся дазволу на эксгумацыю і перапахаванне нябожчыцаў.
Фота — specritual.ru
