У Віцебску затрымалі Барыса Хамайду
Верагодна, вядомы апазіцыянер трапіў пад зачыстку гораду перад "Славянскім базарам".
Хамайду затрымалі каля так званага "сіняга дому", дзе ён традыцыйна распаўсюджвае незалежную прэсу. Як паведамляе Радыё "Свабода", яго завезлі ў Чыгуначны РАУС, спаслаўшыся на загад міліцэйскага начальства.
Учора міліцыянты спынілі Хамайду на вуліцы, каб праверыць ягоныя сумкі. Пасля асабістага дагляду апазіцыянера праваахоўнікі папрасілі прабачэння і адпусцілі. Дарэчы, падчас "Славянскіх базараў" у Віцебску Хамайду затрымліваюць практычна штодня.
