У Віцебску з’явіўся бясплатны аўтобус
Гэта не падарунак ад транспартнікаў ці гарадскіх ўладаў, а ўсяго толькі рэкламны ход аднаго з гандлёвых цэнтраў.
Аўтобус звязаў дзве процілеглых ускраіны Віцебска, ён ужо два дні ходзіць ад новага мікрараёна Білева да старога, але таксама аддаленага раёна Лучоса.
Бясплатны аўтобус з'явіўся дзякуючы гіпермаркету, які такім чынам хоча завабіць пакупнікоў, бо гандлёвыя залы яго апошнім часам пусцеюць.
