Украінцы наладжваюць кантрабанду марганцоўкі з Беларусі
Украінскія памежнікі затрымалі дзвюх суайчынніц, якія кантрабандай везлі праз беларуска-ўкраінскую мяжу 750 г марганцоўкі.
Жанчыны былі затрыманыя падчас памежнага кантролю цягніка Гарынь (Беларусь) — Сарно (Украіна). Як паведамляюць "Валынскія навіны", украінкі прыцягнулі ўвагу памежнікаў тым, што паводзілі сябе вельмі нервова. Акрамя марганцоўкі ў жанчынаў былі выяўленыя 150 ампул медычнага прэпарату "Мукасат".
Попыт на беларускую марганцоўку ва Украіне хутчэй за ўсё звязаны з дэфіцытам гэтага прэпарату у аптэках.
Фота: yak-prosto.com
