Урад збірае з паспяховых прадпрыемстваў дадатковыя грошы
Савет міністраў нашай краіны абавязаў іх пералічыць сродкі за кошт прыбытку.
Грошы ад высокарэнтабельных прадпрыемстваў мусяць патрапіць у дзяржаўны мэтавы бюджэтны фонд нацыянальнага развіцця.
У пастанове ўраду пазначаныя прадпрыемствы і сумы. Напрыклад, Мінскі аўтамабільны завод мусіць пералічыць 63 млрд 185 млн рублёў, Гродзенская тытунёвая фабрыка "Нёман" — 25 млрд, Беларуская валютна-фондавая біржа — больш за 16 млрд, а прадпрыемства "Мінск Крышталь" — толькі 829 мільёнаў рублёў.
Пастанова Савета міністраў пачала дзейнічаць 7 лістапада, адзначае "Ежедневник".
