Веласіпедыст купіў перамогу за 150 тысяч еўра?
Скандальная публікацыя з'явілася ў бельгійскіх СМІ, якія спасылаюцца на Міжнародны саюз веласіпедыстаў.
Яе галоўны герой — казахстанскі раварыст Аляксандр Вінакураў. Ён, нібыта, заключыў камерцыйную здзелку на перамогу ў гонцы ў Бельгіі 2 гады таму з расійскім спартсменам Аляксандрам Калабнёвым.
Тады на фінішы перамог Вінакураў, які лёгка адарваўся ад Калабнёва.
У прэсу патрапіла іх перапіска па электроннай пошце і ёй зацікавілася бельгійская пракуратура. Высветлілася, што з банкаўскага рахунка казахстанскага веласіпедыста ў Манака грошы пераводзіліся на рахунак расіяніна ў Швейцарыі, паведамляе "Интерфакс-Запад".
