За паленне ў пад'ездзе мужчыну аштрафавалі на мільён рублёў
Разгляд яго справы прайшоў на выязным паседжанні Маскоўскага раённага суда ў 12-й мінскай гімназіі.
Іншы мужчына пакараны штрафам у памеры 1 млн 200 тысяч рублёў за антысанітарыю ў кватэры.
У актавай зале гімназіі прысутнічалі сведкі, суседзі, а таксама жыхары навакольных дамоў, на якіх раней таксама паступалі скаргі, але адміністрацыйныя справы пакуль не заводзіліся. Падобныя выязныя паседжанні павінны прыцягнуць увагу гараджан да правіл карыстання жылымі памяшканнямі і засцерагчы патэнцыйных парушальнікаў, паведамляе "Наша ніва".
Нагадаем, у жылым шматкватэрным доме паліць можна толькі ва ўласнай кватэры і на балконе.
Фота — bymedia.net
